மாண்புமிகு தமிழக முதலமைச்சர் அவர்களுக்கு குட்காவுக்கு எதிரான விழிப்புணர்வை அதிகரிக்கவும், முன்னணி நடிகர்களை வைத்து குட்கா போன்ற போதை பொருட்களுக்கு எதிரான விழிப்புணர்வு வீடியோக்கள் வெளியிடவும் முடிவு செய்துள்ளோம் என்பதை பணிவுடன் தெரிவித்துக் கொள்கிறோம்.

மாண்புமிகு தமிழக முதலமைச்சர் அவர்களுக்கு வணக்கம்,

இந்திய தொழில்துறை கூட்டமைப்பு சார்பில் சென்னை, நந்தம்பாக்கம் வர்த்தக மையத்தில் நடைபெற்ற தென்னிந்திய ஊடகம் மற்றும் பொழுது போக்கு துறையின் கருத்தரங்கை தாங்கள் தொடங்கி வைத்ததற்கு எங்கள் நன்றியை தெரிவித்துக் கொள்கிறோம்.
தங்களது அயராத பணிகளுக்கு இடையேயும் கலைத்துறைக்கும் நேரம் ஒதுக்கி நேரில் வருகை தந்தமைக்கு நெஞ்சார்ந்த நன்றியினை தெரிவித்துக்கொள்கிறோம்.
இந்த நிகழ்ச்சியில் தாங்கள் ஆற்றிய சிறப்புரையில் திரைத்துறைக்கு எப்போதும் உறுதுணையாக விளங்குவீர்கள் என்று கூறியதற்கு எங்கள் மனமார்ந்த நன்றிகளை தெரிவித்துக் கொள்கிறோம். திரைப்படங்களில் குட்கா போன்ற போதை பொருட்களுக்கு எதிரான விழிப்புணர்வு இடம்பெற வேண்டும் என்று வேண்டுகோள் வைத்தீர்கள். அது எங்கள் சமூக கடமையும் கூட. தங்கள் வேண்டுகோளை ஏற்று வருங்காலங்களில் குட்காவுக்கு எதிரான விழிப்புணர்வை அதிகரிக்கவும், முன்னணி நடிகர்களை வைத்து குட்கா போன்ற போதை பொருட்களுக்கு எதிரான விழிப்புணர்வு வீடியோக்கள் வெளியிடவும் முடிவு செய்துள்ளோம் என்பதை பணிவுடன் தெரிவித்துக் கொள்கிறோம்.