மூத்த பத்திரிகையாளும் குறும்பட இயக்குனரும் இசையமைப்பாளருமான ஜியாவின் ‘என்னடி ஆச்சு உனக்கு’ இசை ஆல்பம் வெளியாகியுள்ளது. இந்த பாடலை கிங் பிக்சர்ஸ் யூடியூப் சேனலில் பார்க்கலாம். இது இன்று இரவு 7 மணிக்கு ஸ்ட்ரீம் ஆகிவிட்டது.
‘கள்வா’, ‘எனக்கொரு wife வேணுமடா’, ‘அவன் இவள்’ ஆகிய குறும்படங்களை எழுதி, இசையமைத்து, இயக்கியவர் ஜியா. இப்போது முதல் முறையாக இசை ஆல்பமான ‘என்னடி ஆச்சு உனக்கு’ என்ற பாடலை வெளியிட்டுள்ளார். மனதை கொள்ளை கொள்ளும் மெலடி பாடலாக இது உருவாகியுள்ளது. இந்த பாடலுக்கு இசையமைத்து, பாடி, அவரே எழுதியிருக்கிறார். இசை வடிவமைப்பு பணிகளை மிதுன் காளமேகம் கவனித்துள்ளார். இந்த பாடலுக்கான விஷுவல், ஏஐ தொழில்நுட்பம் மூலம் விக்கி உருவாக்கியுள்ளார். ஆல்பம் ஒருங்கிணைப்பாளராக சூர்யா எஃப்.எக்ஸ். பணியாற்றியிருக்கிறார். மர்யம் தியேட்டர்ஸ் நிறுவனம் தயாரித்துள்ளது. யூடியூபில் மட்டுமின்றி, ஸ்பாட்டிஃபை, அமேசான் மியூசிக், ஜியோ சாவன், ஆப்பிள் மியூசிக், கானா உள்ளிட்ட ஆடியோ தளங்களிலும் ‘என்னடி ஆச்சு உனக்கு’ பாடலை ரசிகர்கள் கேட்கலாம்.