2-D அனிமேஷன், 3-D அனிமேஷன் மற்றும் ஆர்ட்டிஃபிஷியல் இன்டெலிஜென்ஸ் என, மீடியாவின் தொழில்நுட்ப வளர்ச்சி அசுர வேகத்தில் வளர்ந்து கொண்டே இருக்கிறது.

இன்றைய இளைஞர்களும் தங்களின் முயற்சியால் பலப் பல சாதனைகளை நிகழ்த்திக் கொண்டே தான் இருக்கின்றார்கள்.

எலக்ட்ரிகல் வயரிங், மோட்டார் ரீவைண்டிங் மற்றும் இன்ஜினியரிங் வேலைகளை செய்து கொண்டிருந்த நான், ஒரு காலகட்டத்தில் திரைப்பட இயக்குனராக வேண்டும் என்ற ஆசையில், சினிமாத் துறையில் அடி எடுத்து வைத்து, அதற்குப்பின் ஒரு தனியார் சேனலில் ப்ரோக்ராமிங் புரொடியூசர் ஆக சேர்ந்தேன். ப்ரோக்ராம் மற்றும் ப்ரோமோ டிபார்ட்மெண்டில் கிட்டத்தட்ட 25 ஆண்டுகளுக்கு மேல் பணியாற்றி விட்டு ரிடையரும் ஆகிவிட்டேன்.

ஆக, இயக்குனராக வேண்டும் என்ற எண்ணம் மட்டும் என் ஆழ் மனதில் இருந்து நீங்காமலே இருந்தது.

முன்பு குறிப்பிட்டதை போல விஸ்வரூப விஞ்ஞான வளர்ச்சி மற்றும் இளைஞர்களின் அதீத திறமை இவைகளுக்கு நடுவே ரிட்டையர் ஆன எனக்கு, எந்த திரைப்பட தயாரிப்பு நிறுவனம் கதை கேட்க முன்வரும்?

அப்படியே ஏதோ ஒரு நிறுவனம் என்னை இயக்குனராக அங்கீகரிக்க முன் வந்தாலும், எந்த நடிகர் என்னுடைய இயக்கத்தில் நடிக்க முன் வருவார்?

என்று
நான் யோசிக்காத நாட்களே கிடையாது.

நிச்சயமாக இது சாத்தியமற்ற ஒன்று, என்று எண்ணிய போதுதான், எனக்குள் இருக்கும் டெக்னிக்கல் அனுபவத்தையும், சயின்ஸ் பிக்சன் கதையையும் இணைத்து, மினியேச்சர் மற்றும் டால்ஸ்களை கொண்டு ஒரு திரைப்படத்தை உருவாக்கலாம் என்ற முயற்சியில் ஈடுபடத்துவங்கினேன்.

கிட்டத்தட்ட ஐந்து ஆண்டுகளுக்கு மேல்
மினியச்சர் மற்றும் டான்ஸ்களை உருவாக்கும்
பயிற்சியில், இன்றும் ஈடுபட்டுக் கொண்டிருக்கின்றேன்.

ஐந்து வருட கடும் முயற்சிக்குப் பின், இன்று என்னால் எந்த ஒரு சாதனத்தையும் உருவாக்கி, மேனுவலாக பேச வைத்து ஒரு முழுநீள திரைப்படத்தை இயக்கி உருவாக்க முடியும் என்ற நம்பிக்கை பிறந்துள்ளது.

ஆக, இப்படி ஒரு மினியேச்சர் அண்ட் டால்ஸ் திரைப்படத்தை எடுத்தால், இதுதான் உலகின் 100 சதவிகித மேனுவல் மினியேச்சர் அண்ட் டால்ஸ் திரைப்படமாக இருக்கும்.

ஒரு முழு திரைப்படத்திற்கான கதாபாத்திரங்கள், வாகனங்கள், பிரம்மாண்ட கட்டிடங்கள், மலைகள், சாலைகள், பாலங்கள் என அனைத்தையும் மினியேச்சர் அண்ட் டால்ஸ் மூலம் உருவாக்கலாம்.

மினியேச்சர் அண்ட் டால்ஸ் திரைப்படமானது அதிரடியான ஆக்சன் மற்றும் காமெடி கலந்த சயின்ஸ் பிக்சன் திரைப்படம் என்பதால் இத்திரைப்படத்தினை உலகம் முழுவதிலும் கிட்டத்தட்ட 160 மொழிகளில் கூட மொழிமாற்றம் செய்து திரையிடலாம்.

நம்முடைய பட்ஜெட்டுக்கு ஏற்ப தயாரித்து கமர்சியல் ரீதியாகவும், லாபம் கொடுக்கும் திரைப்படமாகவும் மினியேச்சர் அண்டு டால்ஸ் திரைப்படம் இருக்கும்.

மினியேச்சர் அண்ட் டால்ஸ் மூலம் விளம்பர படங்கள் மற்றும் சிறுவர்களுக்கான வெப் சீரியஸ் ஐ கூட தயாரிக்க முடியும்.

‘ரிடையர் ஆன கேஸ்’
என்ற அந்த ஒரு எண்ணத்தை சுக்கு நூறாக உடைத்து, உலக அரங்கில் ஓர் சாதனையை நிகழ்த்திக்காட்ட வேண்டும் என்று, இன்றும் என்னுடைய மினியேச்சர் அண்டு டால்ஸ் தயாரிப்பு பயிற்சியை தொடர்ந்து கொண்டிருக்கிறேன்.

விருப்பம் உள்ள எவரும் இத்தகைய முயற்சிக்கு ஆதரவு அளிக்கலாம்.
உங்கள் ஆதரவுக்கு நான் என்றென்றும் பக்கபலமாக இருப்பேன் என்று உறுதியளிக்கிறேன்.

இப்படிக்கு, மினியச்சர் அண்டு டால்ஸ் திரைப்பட இயக்குனர்
A.T. ஆல்பர்ட்

நன்றி வணக்கம்..