மாற்றங்களுடன் “குக்கிங் கில்லாடிஸ்”
கலைஞர் தொலைக்காட்சியில் ஞாயிறு தோறும் காலை 11:30 மணிக்கு ஒளிபரப்பாகி வரும் சமையலும், சுவாரஸ்யமும் நிறைந்த நிகழ்ச்சி “குக்கிங் கில்லாடிஸ்”.
சினிமா மற்றும் சின்னத்திரை நட்சத்திரங்கள் பங்கேற்கும் இந்த நிகழ்ச்சியில், சிறப்பு விருந்தினராக வரும் பிரபலம், கொடுக்கப்பட்ட டாஸ்க் மூலம் சமையலை எப்படி கலகலப்பாகவும், சுவாரஸ்யமாகவும் செய்து முடிக்கிறார்கள் என்பதே இந்த நிகழ்ச்சியின் சிறப்பம்சம். அதனைத் தொடர்ந்து நமது இளம் ஃசெஃப்பான யஷ்வந்த் அவரது தனித்துவமான உணவை சமைத்து அசத்துவதும் நிகழ்ச்சியில் இடம்பெறுகிறது.
இந்த நிகழ்ச்சியை சின்னத்திரை நடிகை பவ்யாஸ்ரீ தொகுத்து வழங்குகிறார். ஞாயிறுதோறும் காலை 11:30 மணிக்கு கலைஞர் தொலைக்காட்சியில் ஒளிபரப்பாகி வரும் இந்த நிகழ்ச்சியில் வரும் வாரங்களில் நடிகைகள் கல்யாணி, சாந்தினி தமிழரசன், ரவீனா, அஸ்வினி உள்ளிட்டோர் சிறப்பு விருந்தினர்களாக பங்கேற்க இருக்கிறார்கள்.